这篇lianchengh5吃瓜网-每日热点的文章是小编搜罗各网站信息，为大家汇总而来的精品资讯！
上周，裕美贴出温馨家庭照，开心分享和妈妈赴日寻回生父，一家人失散23年终能重聚，搞喊唔少香港人。不过，裕美话咁快由天堂跌落地狱，男友林作于前日（18日）卷入虚拟资产交易平台“JPEX”无牌风波，以涉嫌“串谋诈骗”被捕。获赞“最佳女朋友”的裕美24小时stand by随传随到，她不忿网民耻笑林作抵死又指骂男友人格，称林作做好事唔会宣扬，“唔係攞张支票喺电视现身做慈善就係好人。”裕美坦言经此一役林母都希望林作低调啲，又称担心男友：“自己长期冇得瞓（没得睡）。”
上周一，裕美在林作的半山豪宅受访，大谈返回日本德山乡下寻父的艰苦经过，表示寻父启示早于去年底上载社交网，有热心网友找来其父和田具久的Twitter帐户，可惜联络不上（原来朋友为裕美父开acc后，老父唔识用），之后裕美母亲在陈年记事薄内搵到20年前裕美父的手机号码，由居日朋友代为联络上，但裕美父怀疑係骗案，即使跟裕美母女讲咗45分钟电话仍婉拒见面，最后和田具久看到裕美有关寻父的香港报道，才打破僵局。
▲裕美近日心情好似坐过山车，一家团聚都未开心完，又到男友被拉。
▲昨晚裕美到警署保释林作。
一家团聚死而无憾
失散23年终一家团聚，裕美好开心：“见返爸爸同妈妈嘻嘻哈哈相处，弥补返以前唔好嘅回忆，印象中佢哋成日为家庭琐事发生衝突，我年纪细细去充当和事佬，惊到等父母瞓晒先敢瞓。”另外父母虽然分开多年但并冇离婚，两老多年来亦冇另一头家，绝对是大团圆结局：“所以我死而无憾，所有嘢都唔再重要，包括知名度、金钱、婚姻。”她又指同爸爸有血缘关系，一定亲过林作。
做人梗会有高有低
对于林作近日再惹官非，裕美表明一定会企佢嗰边撑到底，患难与共，更有感而发：“每个人都有高高低低，唔会一世都一帆风顺，都係一个历程啫，人生好短暂，冇乜嘢係过唔到嘅！如果身边朋友，甚至伴侣出咗事而离弃佢，咁样做人好‘狗’。唔好讲我，连佢嘅朋友都话‘有咩帮手出声’。”问到点支持林作？裕美都几担心，“唉！好多嘢都爱莫能助，最重要我唔会畀压力佢（我不会给他压力），唔会问长问短烦佢，当佢有需要帮手，会stand by照顾佢。”
个个钟意“剥花生”
多口网民笑裕美“搭错车”，她强调感情事，外人没资格评论：“以前我劲多男朋友都郁手郁脚打人，佢冇对我郁手、冇对我唔好，两人之间相处最清楚，有好多人表面绅士到爆，个个都觉得佢好好，但私下係两回事。”她眼中嘅林作心地善良，只不过係配合social media先表现得哗众取宠，迎合大众口味，“最近喺街有家长同我讲，话好多谢林作帮佢子女免费补习英文，这件事佢冇向我‘晒命’，连我都唔知，更加唔会对外讲啦，呢啲咪好人做嘅嘢，唔係一啲扶完阿婆过马路再喺网上公开讲，攞张支票喺电视现身做慈善。”对于网民闹爆林作“抵死”，裕美认为依家（现在）社会风气钟意“剥花生”，唔再care好人好事，更力斥网民恃住匿名，刻薄留言不用负责任。
经此一役，裕美指林母有提过儿子要低调啲，亦希望裕美多提醒他，“我明白林作，喺佢眼中负面新闻对佢生意有帮助，就算俾人闹爆，当日做保险生意都做得好好，因为有一班人会明白佢‘玩法’，睇吓佢之后嘅路点走，佢有自己谂法，好难改变佢，我只想朋友唔使担心佢咁多，唔想自己长期冇得瞓。”
以上就是小编搜集的热点信息，感兴趣的小伙伴可以打开lianchengh5吃瓜网主页，查看更多精彩内容！
