70年代伙拍林子祥及威利组成“玉石乐队”的大AL张武孝，他的一生可谓充满传奇，乐队解散后，张武孝单飞转唱广东歌，凭住独特的豆沙喉，大唱市井歌极受欢迎，连肥妈都曾大爆当年张武孝及李龙基最红时期，一场骚已狂吸4位数。
▲张武孝70年代伙拍林子祥及威利组成“玉石乐队”出道。
大AL张武孝认当年唱歌搵到钱
▲大AL张武孝日前接受好友钟慧冰的访问。
日前大AL张武孝接受好友锺慧冰的YouTube频道“冰姐的花样人生”的访问，他坦承当年唱歌确实是赚到钱，而且又多女埋身，他笑言：“到我想识女仔嘅时候，我係唔识得点样去追，因为后生係女仔去识你，点使去追女？”对于屡传是瘾君子，大AL张武孝直言：“点解啲人讲嘢可以不负责任！”
大AL张武孝屡传是瘾君子
出身草根的大AL张武孝喜欢夹band，因参加歌唱比赛夺冠，获邀在酒吧到酒店等夜场献唱，之后乐队获佳视赏识，做节目《玉石之音》，用来跟TVB的《温拿狂想曲》打对台，与谭咏麟、陈百祥等人是本港第二代Band仔。在节目上，大AL张武孝说：“嗰阵做音乐係搵钱多啲，以前一般人赚300蚊一个月，我可以搵到500蚊。唱酒廊真係搵好多钱，如果你识理财嘅话，不过我唔识理财，而且以为自己仲可以搵好多，我嗰阵住广播道，500呎层楼大约20万，我都可以搵3、4万一个月，如果你识理财，真係可以储钱买一条街用嚟收租，但係我锺意使钱，所以好快就使晒。”
当年的乐队组合疯魔万千少女，身为玉石乐队主音的大AL张武孝亦不例外，他笑说：“边个年代都有，不过到我想识女仔嘅时候，我係唔识得点样去追，因为后生係女仔去识你，点使去追女？我最耐嘅女友叫郑宝雯，不过最后都冇一齐，我係绝对相信缘份嘅人，我一生人真係好得意，好多嘢係求唔到，如果有啲特别嘅嘢，随意又可以无心插柳，又可以好耐，我信呢啲就係命运，可能你一生人最爱嗰个唔係太太或者丈夫。”
直到大AL张武孝45岁的时候，在朋友介绍下认识到现时的太太，太太黄燕芳同样是圈中人，1987年参加过港姐，与杨宝玲和李美凤同届，两人认识八个月后就结婚，当时黄燕芳只得31岁，却因庙街相士早有预言，认定大AL张武孝就是她的真命天子，两人婚后非常恩爱，更育有一女一子，大女从事商场装饰设计的工作，儿子身高190cm，目前做屋苑管理工作。
张武孝为家庭重返香港？
入行多年的大AL张武孝唱了不少经典歌曲，提到他的代表作，必定是《追龙》，虽然《追龙》早年被列为禁歌，不过每次登台都指定要求唱：“呢隻歌令到我搵到好多钱，歌词係叫人唔好食，但係语带双关，讲食**有乜苦处，食咗之后有乜嘢感觉，係讲**几唔好，累死自己又累埋家庭，但係佢哋话意识唔好咪禁咗呢隻歌。”大AL张武孝续说：“但係到而家都好多人锺意听，我觉得点解仲有咁多人锺意，首先我个样似，嗰阵我係好瘦，其二又係豆沙喉，第三我又有唱粤曲，所以我每次登台，都有人拎晒工具叫我唱《追龙》，佢哋好开心，我咪照唱。”
大AL张武孝屡被误会是瘾君子
可惜亦因为这首歌，为大AL张武孝带来不少影响，他说：“唔係误会，係多到不得了，我嗰阵先发觉点解啲人讲嘢可以不负责任，好多新朋友认识你，会话：‘大AL，不如戒咗佢喇！嘥咗你。’又会有人捉住我隻手‘你唱歌真係好好听，唔好食喇。’跟住见到我肥咗，就会问係咪戒咗，甚至话佢个老友同我一齐食。”张武孝忍不住说：“虽然我唔係红歌手，但係都好努力行到呢个位，你咁样扑低我，对我影响好大，但係佢哋又冇责任，乱咁讲，真係伤害得好紧要，搞到连拍剧都係搵我扮道友，因为入型入格得好紧要，唔使化妆，做番啲表情咪得。”
